Quod fieret, si, contra naturam alicujus rei, Emblema aliquod excogitaremus; item ubi grandibus applicaremus vilia, & vice versâ. Lemma sive Inscriptio maximè à Brevitate commendatur, & mutuatur optimè à Sacris Literis, ab Excellentissimis Poëtis, Oratoribusque. [...] Caeterùm tamen usitatum admodùm est, ipsa Emblemata, cujuscunque ea Inventionis fuerint, teneri à pusillis sive Infantibus quibusdam denudatis: quae, si Emblemata sacras res tractant, Angelorum; si morale quid continent, muscarum alas gerunt; si verò mali quid denotant, verspertilionum remigiis deformantur. (Q3953)